كشف الفنان المصري أوكا عن مشروعه الموسيقي الجديد داخل ساحة المهرجانات، معلنًا طرح لون مبتكر باسم “المقلوب” بهدف كسر حالة التكرار والملل اللي مسيطرة على السوق.
قال أوكا في بيان رسمي إن الساحة الموسيقية حاليًا بقت بتدور في نفس الأفكار والتوزيع، وقلة بس اللي بيجازفوا بتجارب مختلفة. وأضاف: “التطوير الحقيقي مش بالتقليد.. لازم نبصم بهويتنا وثقافتنا قبل ما نقلد الأجنبي”.
“بالمقلوب“هو لون موسيقي جديد جوه المهرجانات بيعتمد على أفكار وتوزيعات غير تقليدية، أوكا شغال عليه حاليًا. الهدف منه فتح باب للتجديد وإعادة تشكيل الموسيقى الشعبية بأسلوب أكثر تنوع وجرأة.
أوكا أكد إن عدد كبير من الفنانين بيقلدوا الموسيقى الأجنبية عشان يظهروا بشكل عالمي، لكن ده بيضيع الهوية. وشدد على ضرورة دراسة الموسيقى بعمق قبل تبني أي تجارب جديدة.
