تصريح مثير لعفاف شعيب
توب سينما : وكالات
قالت الفنانة الكبيرة عفاف شعيب ان التمثيل كان يعتمد على إمكانيات قليلة جدًا ويتميز بالبساطة، مكنش في العقد والكلاكيع بتاعت دلوقتي”.
واوضحت ان الحوار الحالي لايعجبها ، بشوف مسلسل من يومين ففي مشهد واحد كان بيشتم أمه، معقولة! زمان كان في رقابة، آه الدراما بتتاخد من الواقع، بس كنا بنمق الواقع مش بنظهره بالشكل ده”.
وعن الإبهار في الدراما على حساب الدور قالت: “بقى كتير جدًا، القصور والبيوت والديكور وكله، حتى اللبس بقى مبالغ فيه على حساب الدراما، ايه البناطيل المقطعة دي؟ مكنش في الكلام ده زمان كنا بنلبس فساتين وحاجات شيك”.
“المبالغة بقت كتير، مثلًا اللي بتبقى قايمة من النوم برموش ومكياج، أنتي نايمة بالرموش؟”.
وأكدت أنها من أجل دور “زينب” الذي قدمته في مسلسل “الشهد والدموع” ذهبت إلى مكتب صرف المعاشات للاحتكاك بسيدات مثل “زينب” لتستنبط منهم تفاصيل الشخصية، مثل طريقة وضع الأموال في منديل، أو تشبيك بدبوس وغيره.
