هشام جمال: أردت مفاجأة “ليلى” ولكن الفنان حسين الجسمي هو اللي فاجأني.
وجه المنتج والملحن هشام جمال الشكر إلى كل من شاركه فى الاحتفال بزفافه على الفنانة ليلى أحمد زاهر، والذى أقيم أول الأربعاء الماضية بمنطقة “هرم سقارة”، ونشر هشام جمال على حسابه بموقع إنستجرام: بوست قال فيه: “أولا إحنا بجد مش لاقيين كلام يوصف إحساسنا بفرحتكم معانا وبأهلنا وأصحابنا اللى كانوا معانا فى أحلى يوم فى حياتنا وفى ناس كتير لازم نشكرهم بالاسم”.
مضيفا: “أنا عايز أبدأ بأغنية فستانك الأبيض اللي بدأنا بيها الفرح، الحقيقة إني كنت ملحن الأغنية دي مفاجأة لليلى فعلاً، وكان المفروض الأول إني أنا اللي هغنيها وأفاجئ ليلى بيها في الفرح، لكن أخويا الكبير وصديقي وقبلهم الفنان العظيم حسين الجسمي عملي أنا كمان مفاجأة وكلم مادي صاحبي وأخويا وموزع الأغنية من ورايا وعملولي هما مفاجأة في يوم تسجيل الأغنية”.
مسترسلا: “لقيت الأغنية متسجلة بصوت حسين الجسمي اللي ملوش زي واللي خلى الموضوع راح في حتة تانية عندي وعند عروستي ليلى اللي بتحبه جدا، شكرًا ليك بجد على أحلى هدية لليلى وليا، شكرًا للشاعر المحترف وأخويا الكبير أمير طعيمة، الموزع العبقري مادي، أخويا اللي تعبته معايا جدًا، مهندس الصوت الشاطر وحبيبي بيشوي مجدي، وأخيرًا شكراً لحمايا اللذيذ والفاهم أحمد زاهر اللي اشترك معايا في الجريمة دي”.
حضر الحفل مجموعة من الفنانين نزكر منهم على سبيل المثال وليس الحصر: يسرا، ليلى علوي، مصطفى شعبان، أحمد السعدني، عصام السقا، عمر السعيد، إدوارد، وعماد صفوت، أمير شاهين، تامر مرضى، عمرو الليثي، إيهاب توفيق، محمد حماقي، محمد فؤاد، أحمد سعد، بوسي، يوسف الشريف، شيري عادل، درة، أشرف عبد الباقي، وفاء عامر، أحمد رزق، هاني رمزى، أحمد فهمي، شيكو، حسين فهمي، نبيلة عبيد، هالة سرحان، طارق الجنايني، مها سليم.
