“كزبرة” يرد على سخرية محمد رمضان منه
توب سينما : القاهرة
بعد الجدل الكبير الذي اثارته مقاطع الفيديو المتداولة عن الفنان كزبرة ومحمد رمضرن وقال كزبرة في تغريدات على مواقع التواصل الاجتماعي : والله يا جماعة الكلام ده نفسي أقوله من بدري بس حاسس إن ده وقته ، أنا بجد تعبان نفسيا من كل اللي بيحصل وخاصة الفترة اللي فاتت أنا مش عارف ليه كل لما انجح في ناس بتحاول تطلع صورتي وحشة.
واضاف كزبرة أنا بجد نفسيا مبقتش قادر وبقالي فترة كبيرة كل لما أعمل حاجة حلوة مبقتش عارف أتبسط بيها ونفسيا مش أحسن حاجة وربنا اللي عالم ، الواحد كل اللي يهمه إنه يقدم حاجة تعجبكم وتسعدكم بس في ناس بتتعامل مع اللي بيقدم حاجة كوميدية على أساس إنه شخص تافه مش موهوب.
والواحد عشان بيتعامل بطبيعته ومش بيتصنع بتحاولوا تشوفوا إزاي تطلعوا فيه عيب قدام جمهوره وإخواته اللي بيحبوه .. زي إن يتنسبلي كلام مقلتوش أو يتقلل مني بحاجات قديمة عملتها وأحيانا بتوصل للتريقة على اسمي
بمجرد ما يعمل حاجة حلوة وتعجبهم أنا مش عارف ليه وده السبب اللي بيخلي إنسان طيب أول ما ينجح يتحول لإنسان عنده نقص وعنده حرب مع كل اللي حواليه زي ناس كتير نجحت وبقوا يتعاملوا بنرجسية عشان يعرفوا يتعاملوا مع الواقع.
ف أنا يا جماعة مش عايز أوصل للمرحلة دي ، أنا عايز أبقا إنسان طيب وفحالي وأشتغل على نفسي وأقدملكم فن يعجبكم ويبسطكم هو ده هدفي ف بلاش تتعاملوا مع الواحد بأسلوب هو مش حبه
وشكرا لكل واحد بيدعمني من قلبه وأي حد بيحب اللي بقدمه أو حتى بينتقده بأسلوب كويس أنتم اللي تهموني .
